Conductor nga nasikop sa buy-bust napasakaan na ug kaso

16
Handcuffs

General Santos City–Pormal nang napasakaan ug kasong pagsupak sa sec. 5 sa Art. II sa RA 9165 sa Police Station 1 ang usa ka bus conductor nga si Raymond Pasagad human nga masikop kini sa gipahigayon nga buy-bust operation sa kapulisan.

Sumala pa ni Police Captain Abdulsalam Mamalinta ang hepe sa Police Station 1 nga sa karon padayong ginasuta sa kapulisan kung kinsa ang mga kaubanan sa nasangpit nga suspect nga nagapamaligya ug iligal nga droga human masayran nila nga duna pa kiniy mga kagrupo.


Dugang pa ni Mamalinta nga ilaha paman usab nga ginasuta karon kung unsa ka lapad ang operasyon sa nasangpit nga suspect human nga makabyahe kini gawas ug sulod sa syudad nga dili madudahan sa kapulisan nga naga dala ug iligal nga droga tungod kay usa kini ka conductor.

Samtang takda man usab nga makig-alayon ang Police Station 1 sa Bus Liner nga ginatrabahuan sa nasangpit nga suspect aron nga masuta usab kung duna pabay uban nga trabahante sa maong kompanya ang adunay susamang binuhatan sa suspect.(Dave Silagan)

Facebook Comments

From Advertisers