Confirmed COVID-19 cases sa South Cotabato yara sa 17, singkwenta porsyento sang kaso LSI.

21

Indi garantiya nga mangin COVID-19 free na ang South Cotabato tungod sa pag-istablisar na sang 3T`s nga amo ang treatment facility, testing laboratory kag contact tracing tungod istratehiya lamang ini agud makontrol ang paglapta sang nasambit nga balatian sa probinsya.
Suno kay Provincial Health Officer Dr. Rogelio Aturdido Jr., ang pagtuman sa gihapon sang tanan sang health protocol ang epektibo nga pamaagi nga indi malatnan sang nasambit nga balatian kapareho sang pagsuksok sang mask kag physical distancing.
Apang ginhatagan pa punto ni Dr. Aturdido sa ginpatigayon nga 2nd quarter Provincial Disaster Risk Reduction and Management Council meeting kahapon nga adlaw nga syento porsyento nga indi malatnan sang COVID-19 ang pagpamuyong sa balay.
Samtang base sa ila datos suno kay Dr. Aturdido yara na sa 17 ang narekord nga confirmed cases sang COVID-19 sa probinsya kahapon sang aga nga 14 dire ang mga locally stranded individual kag returning OFW nga ang ulihi nga nadugang ang taga-Koronadal nga isa ka ROF nga halin sa Nigeria.
Sa nasambit nga numero singkwenta porsyento dire ang mga locally stranded individual nga nagpositibo sa COVID-19.
Sa nasambit nga numero sang confirmed cases ang pipila dire ang tigayon naman suno pa sa iya nga nakarecover.
Samtang ang banwa naman sang Surallah, Norala kag Lake Sebu suno kay Dr. Aturdido ang wala sang may narekord nga nagpositibo sa COVID-19 base sa datos sang IPHO.

Facebook Comments