Cong. Toto Mangudadatu, nagtuong naangkon na nila ang Hustisya human konbiktado na ang mga primary suspect sa Maguindanao Massacre

61
Maguindanao governor Esmael Mangudadatu speaks during a press conference after a meeting with President Benigno Aquino III and relatives of victims of the massacre in Malacanang on Thursday, July 14, 2011. (Photo by LJ Pasion)

General Santos City—Human nga nakonbikto ang mga primary suspek sa mangilngig nga Maguindanao Massacre kung asa miabot sa napulo ka tuig ang pagtaral sa kaso ayha gidesisyonan sa korte, hingpit ng na-angkon ang hustisya sa mga pamilya sa biktima.
Kini ang giluwatang pamahayag ni Maguindanao 2nd District Congressman Esmael Toto Mangudadatu human nahinabi sa RMN-Gensan News team. Si Congressman Mangudadatu ang nawad-an ug asawa ug igsuon ug uban pang mga kabanay human naapil sa masaker.
Sumala pa niini bisan pa man duna pay mga laing primary suspek ang wala pa nakonbikto nga dunay partisipasyon sa maong massacre, sila nagtuong may hustisya na ang kamatayon sa mga biktima. Pagbutyag sa maong Kongresista nga nag-file sila ug Motion For Reconsideration sa Court of Appeals kalabutan sa 2nd wave nga ilahang gi-asikaso nganong wala na-apil sa pagkonbikto ang uban pang mga major suspek sa massacre nga dunay partisipasyon sa krimen basi sa mga pahayag sa mga testigo.
Nanghinaot kini nga mahimong positibo ang resulta sa ilang gi-apila sa korte. Kung kahinumduman naidtong Nobyembre 23,2009 nahitabo ang mangilngig nga Maguindanao Massacre sa Sitio Masalay, Brgy. Salaman, Ampatuan Magunidanao kung asa 58 ka mga tawo ang gipanglubong sa lugar. Ang 32 nga namatay mga miyembro sa media. Ugat ug hinungdan sa pinaka-maduguong masaker sa kasaysayan mao ang pulitika.
Si Congressman Toto Mangudadatu nga kaniadto mopapili sa pagka-Gobernador bangga sa mga Ampatuan sa Maguindanao maoy sinugdanan sa maduguong panghitabo. Ug karong adlawa gihumdom ang masakit nga panghitabo, karon ang ika 11 ka tuig nga kasumaran sa Maguindanao Massacre. (ctto)

Facebook Comments