CONGRATULATIONS | Capiz DepEd, ginpaguha na ang listahan sang mga nagdalaog sa 2018 Search for Best brigada Eskwela Implementers!

101

Roxas City, Capiz- Ginpaguha na sang Capiz DepEd ang resulta sang ginpatigayon nga 2018 Division Search for Best Brigada Eskwela Best Implementers.
Base sa Division Memorandum No. 152 series of 2018, may yara sang tig-lima ka mga eskwelahan ang nalakip sa kada kategorya samtang ang top-1 amo naman ang maga-representar para sa regional level nga competition.
Yari ang resulta para sa Elementary Level:
Sa Small School Category, nagpanguna ang Maninang Elementary School sa banwa sang Sapian; nagpangaduha ang Damiana Ongkiko Elementary School sa Jamindan; pangatlo ang Aranguel ES sa President Roxas; pang-apat ang Badbaranan ES sa banwa sang Dumarao samtang nagpanglima ang Calapawan ES sa banwa sang Panay.
Sa Medium School Category, nagpanguna ang Sigma ES; nagpangaduha ang Agojo Elementary School sa Panay; nagpangatlo ang New Guia ES sa Maayon; pang-apat ang Jagnaya ES sa Jamindan samtang panglima ang Dumarao ES kag Sinamongan ES sa banwa sang Pilar.
Sa Large School Category, magarepresentar para sa regional level ang Dao ES; nagpangaduha lamang ang Maayon ES pangatlo ang Panay Central ES pang-apat ang Tapaz Central ES samtang nagpatas sa panglima ang Jamindan ES kag Cuartero Central ES.
Para sa mega school ang Ivisan ES amo naman ang magarepresentar para sa Capiz.

Samtang sa bahin sang secondary level, nagpanguna ang Roxas NHS(formerly Candelaria Roxas NHS) sa Tapaz West samtang nagpangaduha naman ang Aglalana Integrated School sa Dumarao.
Sa Medium School Category, sa ikaduha nga sunod nga tuig makarepresentar ang Lucero NHS sa Jamindan para regional level sang 2018 Division Search for Best Brigada Eskwela Best Implementers.
Nagpangaduha ang East Villaflores NHS sa Maayon; nagpangatlo ang San Nicolas NHS kag Mayor Ramon Berjamin NHS sa Tapaz; nagpatas sa ikaapat ang Mambusao East NHS kag San Antonio NHS sa Cuartero samtang nagpanglima ang Leodegario Ocampo Sr. NHS sa banwa sang Panit-an.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments