Roxas City, Capiz- Ginpasidunggan ang Roxas City Fire Station bilang BEST CITY FIRE STATION OF THE YEAR sa Regional Level Category sa ginpatigayon nga awarding ceremony sa Iloilo Grand Hotel, Iznart St. Iloilo City sang nakaligad nga Agosto 31,2018.
Ang nasambitan nga award ang personal nga ginbaton sang Acting City Fire Marshal sang Roxas City Fire Station nga si Fire Senior Insp. Stephen Jardeleza.
Ini matapos nga nagpangibabaw ang nasambitan nga stasyon sa mga criteria nga gin-set para sa implementasyon sang Fire Prevention Program,Overall appearance of the City Fire Station kag kahandandaan sang mga personnel nga nnakapagkit sa Memorandum Circular No. 2018-004 ukon ang Revised BFP Praise Guidelines.
Ginbaton ni Jardeleza ang Plaque of Recognition sa ginpatigayon nga 27th BFP Anniversary Celebration sa syudad sang Iloilo.
photo © RCFS BFP
