Congressman Hernandez kag pipila ka mga opisyal sa South Cotabato nakatake –oath na, kwarta indi na dapat suno sa iya magdikta sa resulta sang eleksyon.

10

Pormal na nga nagtake-oath sang Hunyo 21, 2019 sanday 2nd District Congressman Ferdinand Hernandez, South Cotabato Vice Governor Vicenti de Jesus kag ang pipila ka mga Board Members.

Sa iya mensahe ginpasalamatan ni Congressman Hernandez ang katawhan sang probinsya sa pagbutang liwat sa iya sa pwesto kag ginpabugal ang mga hinimuan sa sulod sang anum ka tuig kapareho na lamang sa pagduso sang pipila ka balaud para sa katawhan sang probinsya kag pagtukod sang madamo nga infrastructure projects kapareho sang school building, multi-purpose cooperative, lying-in kag iban pa.


Ginpasiguro niya man nga sa sulod sang tatlo pa ka tuig niya sa pwesto iya ginpasiguro nga lauman ang madamo pa nga mga infrastructure projects nga magtupa sa probinsya.

Ginkadismaya niya man ang mga nagkalatabo sang eleksyon nga mangin leksyon sa tanan kuntani nga indi na masulit nga kwarta ang magdikta sa resulta sang pagpiniliay kundi ang batasan, integridad, competence kag performance sang isa ka kandidato.

Gin-ako niya man nga ang iya nga pamilya ang biktima sang black progpaganda sang nag-agi nga eleksyon tungod sa mga alegasyon nga ginahaboy batok sa iya.

Samtang, kadungan sang oath taking sang pipila ka mga opisyal sa South Cotabato ginhatagan man sang tion si Outgoing Governor Daisy Avance Fuentes nga makahatag sang iya valedictory message.

May-angot sini,lauman nga si Incoming Governor Reynaldo Tamayo Jr., kag 1st district Board Member Noel Escobillo na lang ang magatake-oath sa Hunyo 28.


Facebook Comments

From Advertisers