CONGRESSMAN LOBREGAT YA ESPLICA SU POSISYON ASERCA EL ASUNTO DE HUMAN RIGHTS

24

El congresista Celso Lobregat ya esplica si cosa su razon porque ele ya vota afavor na dalida de un mil budget para con el Commission on Human Rights (CHR).
Na entrevista del RMN Zamboanga enantes aga, si Lobregat ya habla cay chene justificaccion y basejan el su desisyon porque ansina el su boto. Este porcausa cay CHR asegun nuay fuede dale poder con el diila trabajo que cumbiene expecta el public.
Como parte del diila mandato, no cumbiene na mismo nga pulis y military lang asegun implica el imbestigata del alegao human rights violation, sin embargo, cumbiene contodo, inclujido ya el mga bandido, terorista, criminal y mga enemigo del govierno tambien.
Na presente situaccion, si Lobregat ya habla cay nuay coneste fuede hace el CHR como ejemplo el cosa ya socede na Mamasapano que bien claro chene human rights violations, Marawi, Zamboanga y losdemas pa mga soceso imbuelto mga enemigo del govierno aqui na Mindanao.
Asegun con Lobregat, grande su sentimiento con el CHR egual con losdemas congresista quien ya vota afabor na dalida canila un mil de pesos fondo para el siguente año. – *Bhong Simbajon/RMN News*

Facebook Comments