Congressman Siao nanawagan sa DFA nga mopagawas ug diplomatic protest batok sa South Korea

Nanawagan kagahapon si Iligan City Lone District Congressman Frederick Siao ngadto sa Department of Foreign Affairs na magpagawas og diplomatic protest batok sa South Korea.

Kini tungod sa pagpadala sa nasangpit nga nasud og 51 ka mga container van nga puno og basura nga gidunggo sa Mindanao International Container Terminal sa pantalan sa Tagoloan, Misamis Oriental.

Bu-ot ni Siao nga ma-imbestigahan, ma-aresto, mapasarado ug makasuhan sj DFA, pinaagi sa gobyerno sa South Korea, ang kunsabo sa Verde Soko Philippines Industrial Corporation nga naka-base sa nasangpit nga nasud.


Una na’ng miingon ang Bureau of Customs nga nakasulod ang maong shipment sa mga basura niadtong Hulyo 24.

Nanawagan usab ang representante sa Iligan ngadto Department of Environment and Natural Resources (DENR), Department of Trade and Industry (DTI), Department of the Interior and Local Government (DILG) ug sa Department of Justice (DOJ), nga ipasarado ug bawi-on ang tanang kabtangan nga iyaha sa Verde Soko Philippines ug kasuhan ang tanang mga opisyales ug mga supervisors niini.  (Divina  M. Suson)
| | Virus-free. www.avast.com |

Facebook Comments