Davao City – Mag-atubang og kasong unjust vexation ang usa ka alyas Rody, 48 anyos, residente sa Farm Village, Brgy. Lapu-lapu, Agdao siyudad sa Davao.
Kini human nga gireklamo ang suspek sa iyang pag-umangkon nga si alyas Maria, usa ka kahera diin matud pa gibaklad sa suspek pasado alas-6:00 sa buntag nahitabo sulod sa iyang pinuy-anan samtang naligo niadtong tungora sulod sa comport room.
Human sa panghitabo paspas nga midagan ang suspek pagawas sa iyang lawak hinungdan nga daling nakapangayo og tabang ang kahera ngadto sa mga sakop sa awtoridad.
Sa pagkakaron preso na sa selda sa Sta. Ana PNP ang maong suspetsado.
Samtang sa esklusibong interview sa DXDC RMN Davao ngadto sa suspek, iyang gihimakak ang maong akusasyon ug mibarug nga nataymingan lang nga niadto kini sa CR ug abri ang katunga sa purtahan.
Hinuon nangayo’g pasaylo ang suspek ngadto sa iyang pag-umangkon tungod kay wala kini niya gituyo.
RadyoMaN Don Pulayao
