Davao City- Hilabihang bun-oga sa sa usa ka construction worker human gibunalan og botilya ang nawong alas 10:00 sa gabii natigayun sa San Miguel Brgy. Centro Agdao ning dakbayan.
Sa report gikan sa Sta. Ana PNP, naila ang biktima nga si Anthon Ligo, 20 anyos, residente sa San Jose Ipel Beach Duterte Agdao ning siyudad samtang ang suspetsado ginganlang Jovelyn Magkidong, 22 anyos, nagpuyo sa nasampit nga lugar.
Matud sa biktima, naghilak ang iyang pag-umangkon nga niuli sa ilang balay gumikan giluta ug kini iyang gisusi kung ngano sa dihang wala kini kabantay ug kalit gibunalan og botilya ang nawong sa biktima resulta sa pagkasamad sa kakusog sa pagbunal ug didto nalipong ang biktima.
Human sa panghitabo, igo nalang sa pagpatala sa presinto sa kapulisanang biktima aron usab niya paimbestigahan ang insidente hinuon giadbaysan nalang sa kapulisan nga magpatambal sa Southern Philippines Medical Center samtang ang kaso anaa giduso sa barangay level.
RadyoMan Don Pulayao
