Construction worker gibunalan ug tubo sa kainum-angol

16

South Cotabato—angol ang usa ka construction worker human kini nga gibunalan ug steel pipe sa iyang kainum samtang anaa sa Purok Silangan, Barangay Carpenter Hill Koronadal City alas-4:00 sa hapon niadtong Domingo.

Biktima giilang si Randy Malindan Garcia, 29, residente sa Sitio Angeles, Barangay Saravia, syudad sa Koronadal. Nasayran nga nag inum ang biktima ug ang suspek nga si Melvin Mier nga taga Purok Zone III, Barangay Labangal, General Santos City.

Nagbingkil ang mga nahisgutan nga misangko ngadto sa pagpamunal ug tubo sa suspek ngadto sa biktima. Nakaangkon kini ug mga samad sa lawas mao nga dali kining gidala sa ospital. Paspas usab nga misibat ang suspek human sa insidenti.

Sa karon ginahuwat pa sa kapulisan ang biktima kung magpasang-at ba kini ug kaso batok sa suspetsado.

Facebook Comments