Construction worker naanod sang nagaragasa nga tubig baha sa Tampakan, South South Cotabato.

24

Naanod sang nagaragasa nga tubig baha ang isa ka construction worker sa Brgy Liberty, Tampakan, South Cotabato, pasado alas 8:00 kagab-i, Setyembre 19, 2021.
Ginkilala ang biktima kay Eric Diosma Sardido , 32 y/o, single, construction worker kag residente Sitio Taplan, Brgy. Buto, Tampakan, South Cotabato.
Sa imbestigasyon sang Tampakan MPS, nag-agi sa tulay sa nasambit nga lugar, sakay sa isa ka unit sang Skygo 150 color red ang biktima kag wala sini nadiparahan nga nag-over flow ang tubig kag tungod sa makusog nga pagragasa sang tubig nadulaan ini sang kontrol sa ginamaneho nga motorsiklo kag nahulog sa tulay.
Naggwa man sa imbestigasyon nga ang biktima ang ginaaligar nga yara sa impluwensya sang makahulubog nga ilimnon sang nagluntad ang insidente.
Samtang nasapwan ang bangkay sang biktima sa boundary sang Brgy. Sta. Cruz kag Brgy. Magsaysay Koronadal City, alas 9:55 kagaina sang aga.

Facebook Comments