Construction worker nakuryente, nahulog

22

CADIZ CITY – Pilason ang isa ka construction matapos nga na-kuryente kag disgrasya nga nahulog nga ginpaatukod nga building sa syudad sang Cadiz.

Ang biktima ginkilala sa kay Errol Gonzales 32 anyos, residente sang Purok Kabugwason, Brgy Zone 3, Cadiz City.

Natabu ang insidente may mga las 2:30 kahapon sang hapon kon diin ang biktima ang naga-uyat sa kabilya kag disgrasya nga natandog sini ang main line sang NONECO.

Bangud sini, na-kuryente si Gonzales kag nahulog gikan sa second floor sang gina-construct sa building.

Nagpasalig naman ang tag-iya sang building nga sabton ang gastu sa ospital sang amo nga construction worker./dyHB BACOLOD

Facebook Comments