Consultation meeting para sa Magna Carta for the Poor, gipahigayon sa Bukidnon

Ipahigayon sa National Anti-Poverty Commission o NAPC inabagan sa Provincial Gov’t of Bukidnon o PGB ang consultation meeting para sa “Magna Carta For The Poor” karong adlawa sa Kaamulan Open Theater, Malaybalay City, Bukidnon.

Lakip nga dinapit sa maong panagtigum ang mga Sangguniang Bayan Chairman on Social Services, Municipal Planning and Development Officer, Indigenous Peoples Mandatory Representative, Liga ng Barangay President, Lima (5) ka mga municipal offices that provide social services ug Lima (5) ka mga Civil Society Organization o CSO Representatives nga membro sa Local Special Bodies para sa provincial consultation.

Tumong niini nga konsultahon ug makakuha ug mga input ug komento gikan sa mga representante kabahin sa gi-draft nga Implementing Rules and Regulation o IRR sa “Magna Carta For The Poor” nga giandam sa NAPC.


Kahinumduman nga ang Republic Act No. 11291 o ang “Magna Carta of the Poor” nahimong balaod human gipirmahan ni Presidente Rodrigo Roa Duterte kaniadtong Abril 12, 2019. Ang maong balaod nag-garantiya sa katungod sa mga kabus ug nagbutyag sa mga responsibilidad sa goberno lakip na niini ang mga departamento, ahensya, local government units ug uban pang mga opisina nga nagtutok sa kasiguruan nga makaamgo ug masuta ang katungod sa mga kabus.

Basi usab sa R.A No. 11291 nga ang NAPC maoy gitahasan nga mag-draft sa IRR inabagan sa Department of Interior and Local Government o DILG ug magpahigayon ug sunod-sunod nga mga konsultasyon sa mga representante sa LGU ug sa mga Civil Society Organization o CSO.

Facebook Comments