Contact tracing sa bag-ong kumpirmadong kaso sa COVID-19 sa Malaybalay gisugdan na

Gisugdan na ang contact tracing sa bag-ong kumpirmadong kaso sa COVID-19 sa siyudad sa Malaybalay.

Sa interview sa RMN Malaybalay ngadto kang City Health Officer Dr. Dennis Sanggalang gibutyag niini nga usa kini ka 41 anyos nga babaye nga residente sa Brgy. 9, Malaybalay ug nag-negosyo sa merkado publiko.

Na-admit kini sa usa ka pribadong hospital tungod sa nasinati nga pneumonia niadtong Agosot 23 ning tuiga.


Gi-swab ang pasyente niadtong Sabado ug nigawas ang resulta gikan sa DOH region 10 kagahapon sa hapon.

Sigun ni Dr. Sanggalang nga ipagawas na unta kini kagahapon apan napugngan tungod kay gihulatan pa ang resulta sa swab test.

Sa kasamtangan wala nay sintomas o wala nay gibati ang mao nga pasyente.

Sa karon, ila pang palawman ang gipahigayon nga contact tracing.

Dili pa usab mabutyag ni Dr. Sanggalang kung kini local transmission ba o dili hangtod nga dili mahuman ang contact tracing tungod kay sayron pa niini kung aha possible nakuha ang mao nga bayrus.

Facebook Comments