Contract signing tali sa MacKay Green Energy Incorporated ug Bukidnon Forest Incorporated, gipahigayon sa Misamis Oriental

Gipahigayon sa duha ka kompanyang gahimo og pellets ang contract signing karong adlawa sa Tagoloan, Misamis Oriental.

Kini mao ang MacKay Green Energy Incorporated ug Bukidnon Forest Incorporated o BFI.

Mitambong sa contract signing silang Ronald E. Grow, Chief Operations Officer, Gio Mariano, Vice President, Atty. Jun Narido, consultant sa MacKay Green Energy Incorporated ug Reynaldo Abordo ang General Manager sa BFI.


Matud ni Jocel B. Alumbro, Representante sa MacKay Green Energy Incorporated nga magsugod na sila sa ilang operation karong umaabot Enero 2018.

Nasayran nga ang BFI mao ang nanag-iya sa planta nga gahimo og pellets nga naa sa Muhon, Tagoloan, Misamis Oriental ug ang magdumala mao ang Mackay Green Energy Incorporated.

Gipasabot usab ni Alumbro nga ang MacKay Green Energy Inc. maoy magdala sa bana grass gikan sa Australia ug ipatanom sa mga mag-uuma dinhi sa Misamis Oriental ug Bukidnon.

Nasayran nga ang bana grass maoy raw material nga gamiton sa ilang planta sa paghimo og pellets nga maoy fuel o produktong gikinahanglan sa mga dagkong planta dili lamang dinhi sa Pilipinas kundili lakip na sa Korea.

Gidugang niini nga gisugdan na sa mga mag-uuma niadtong Hulyo ang pagtanom og bana grass sa Alubijid, Laguindingan, El Salvador City, Misamis Oriental, Baungon ug Libona sa Bukidnon.

By: RadyoMaN Annaliza Amontos-Reyes

Facebook Comments