Councilor Casabuena gikondina ang paglugos ug pagpatay sa 8 anyos

7

General Santos City–muhatag karong adlaw ug privilege speech si City Councilor Lourdes Casabuena ngadto sa hawanan sa konseho sa syudad aron nga ikondina ang nahitabong brutal nga pa patay ug paglugos sa usa ka suspetsado ngadto sa 8 anyos nga batang babaye sa area sa Barangay Fatima Gensan.

Nasayran nga nagbangutan ang konsehal sa gihimo sa suspek nga si Mark Engkong, 22, residenti sa Malapatan, Sarangani Province ngadto sa nga 8 anyos nga batang babae nga taga 39.2 FVR Village Barangay Fatima.

dako ang pagtuo ni Casabuena nga nag-gamitan ug iligal nga droga ang suspect tungod kay brutal matud pa kaayu ang pag patay niini sa bata kansa dili mahimo sa usa ka tawo nga normal ug pangutok.

Mag depende na matud pa sa iyahang mga kaubanan sa konseho kung ilang himuan ug resolusyon aron kondinahon ang insidenti o dili ba kaha ilang hangyuon ang PNP nga ibalik ang Oplan Tokhang aron maundang na ang pagkuyanap sa illegal drugs kansa maoy tinubdan sa mga gakahitabong ngilngig nga krimen.

Kahinumduman nga Hwebes sa Gabie sa nakalabayng simana dihang brutal nga gipatay sa suspek ang biktima ayha niya kini gilugos. (Dave Silagan)

photo credit to: Councilor Lourdes Casabuena

Facebook Comments