Councilor: Learning Support Assistant dili kinahanglan

19

Davao City – Walay nakitang rason ang Chairperson sa Committee on Education sa konseho ning syudad sa gilaraw sa Department of Education (DepEd) nga maghire og mga teacher’s assistant aron motabang sa mga magtutudlo sa pagsugod sa klase.

Sumala ni Davao City 1st District Councilor Pilar Braga, dili na kinahanglan ang mga teacher’s assistant tungod kay dili man face-to-face ang klase gumikan anaa man lang sa balay ang mga estudyante ug magtutudlo.

“I don’t see any need sa karon nga maghire og teacher’s assistant… In the first place walay face-to-face (learning)… kadtong kwarta nga ilaan nila sa teaching assistant didto na lang nila ibuhos sa online learning, blended learning, home stay learning sa mga modules ng mga estudyante, i-strengthened ang connectivity sa wifi,” saysay niini.

Samtang ang igahing pondo alang niini gamiton na lang sa galastohan sa online learning, blended learning, home stay learning ug modules sa mga estudyante ug pakusgan ang connectivity sa Wi-Fi para magamit sa mga tinun-an sa bisan asang dapit sa ilang mga laptop ug cellphone.

Matud ni Braga, ang mga ginikanan o apohan sa mga estudyante mao nay mamahimong teacher’s assistant.

Hangyo usab ni Braga sa mga magtutudlo, ayuhon usab nila ang delivery sa instruction aron walay magreklamo.

RadyoMaN Bernard Pantallon




Facebook Comments