Councilor Yumang, gidayeg ang GSCPO human nagmugna ug Special Operation group batok sa mga nagapamatay sa Gensan

20

General Santos City–Usa ka maayong lakang ang gihimo ni Police Col. Gilberto Tuzon, OIC City Director sa Gensan City Police Office nga paghimo ug City Special Operations Group nga magtutok sa kaso sa patay sa dakbayan.

Sumala kang city Councilor Jose Edmar Yumang, Chairman sa komitiba sa Peace And Order and Police Matter sa konseho nga sa kadaghan sa mga City Director nga niagi sa GSCPO, karon pa lang dunay nilingkod nga nakahuna-huna sa paghimo sa samang aksyon.


Saysay niini nga dili gyud malikayan ang kaso sa patay sa dakbayan hilabina nga adunay managlahing motibo, apan pinaagi sa City Special Operation Group (CSOG) makabati ug kahadlok nga maghimo ug krimen.

Dugang pamahayag ni Kag. Yumang nga iyahang nakita ang dedikasyon ni Col. Tuzon sa paghimo sa iyahang tahas isip labaw sa kapulisan sa dakbayan.

Buot matud niya nga dugangan ang walo o siyam ka miyembro sa CSOG, apan tungod sa kulang nga ihap sa kapulisan kinahanglan nga i-maximize ang maong ihap.(LVR)

Facebook Comments