Davao City – Pweding blessing o curse ang hatud ngadto sa iendorsong kandidato pagka-Pangulo ni Presidente Rodrigo Duterte.
Sumala ni Prof. Ramon Beleno sa Ateneo de Davao University Political Science and History Department, dako ang mahimong epekto sa mga lakang sa administrasyon karong tuiga 2021 sa pag-address sa COVID-19 pandemic sama sa pagtunol og mga bakuna sa mga Pilipino.
Sumala ni Beleno, sa mga surveys, pinakadungog ang pangalan ni Davao City Mayor Sara Duterte sa mga posibleng mudagan sa Presidential elections apan angayng lantawon sa unahan kung adunay benepisyo ang popularity niini sa unang hugna sa surveys sa eleksyon.
Gibutyag ni Beleno, pweding dili si Mayor Sara ang pambato sa Presidential candidate kung aduna pa may laing administration candidate nga kayang muprotekta sa Presidente batok ngadto sa mga kalaban inig matapos na ang termino niini.
“Iyong pinapahiwatig ngayon ng Presidente is that sana huwag na munang i-consider, tingnan muna nila if they have better options other than Mayor Sara para hindi ma-complicate iyong things pagdating ng 2022,” sumala niini.
Lantawon usab sa 3rd Quarter sa 2021 kung aduna bay dakong improvement sa mga developments sa nasud diin sumala ni Beleno nakabase ang mamahimong political decision sa mga Pilipino sa ilahang mga gibati’g panlantaw human sa mga pagkaapiki diha sa ekonomiya tungod niining pandemya.
RadyoMaN Aimee Guinita
