COVID-19 high-risk areas tutokan sa Davao surveillance testing

Davao City – Nagpadayon karon ang gihimong surveillance testing sa syudad Davao sa pagsuta kung adunay magpositibo sa Coronavirus Disease 2019 (COVID-19).

Matud ni Davao City Mayor Sara Duterte-Carpio, magbaton og schedule matag adlaw partikular na sa mga areas nga taas ang risgo sa COVID-19 sama sa mga palengke, opisina, bangko, call centers ug uban pang establisemento.

“There should be everyday schedule nga targeted areas and targeted high-risk areas based on sa kanang atoang high-risk qualification and based on sa reports kung asa daghan ang makita nga mga nag positive nga mga cases,” saysay sa alkalde.


Gawas sa surveillance testing, pakusgan usab sa City Health Office (CHO) pinaagi sa gimugnang health group, ang testing sa F2 ug F3 close contacts pinaagi sa Safe Davao QR (DQR).

“Through the DQR, we are trying to extend, expand the testing to F2 and F3 close contacts. Kaniadto, ang F1 and F3 dili na nato gina pa-testing. Atoa lang na silang gina-standby, ginapa self-monitor,” segun ni Duterte-Carpio.

Nag-unang rason niini mao ang pagpangandam sa lokal nga gobyerno sa posibleng surge kun pagsutoy sa COVID-19 cases sa dakbayan.

RadyoMaN Kirby Manzon

Facebook Comments