COVID-19: Kakulangon sa health workers dakong hagit

21

Davao City – Usa sa mga dakong problemang gisagubang karon sa Southern Philippines Medical Center (SPMC) sa nagpadayong kumbate kontra COVID-19 ang kakulangon sa mga health workers.

Gibutyag ni Dra. Marie Yvette Barez, Infectious Diseases Specialist sa SPMC atol sa interview sa DXDC RMN Davao nga padayon ang ilang hiring apan walay mga nag-apply.

“Dugay nami nangita, walay naga-apply,” segun ni Barez.

Mao usab kiniy problema sa usa sa tulo ka mga pribadong hospital nga back-up sa SPMC sa pagdawat og COVID-19 nga mga pasyente diin walay staff ug health care worker nga magduty.

Bisan pa man og full house kun puno na ang ICU beds ug hapit na usab nga ma-occupy ang mga ward beds sa SPMC, gipangitaan kini’g pamaagi aron maakomodar ang mga COVID-19 patients.

“Nabalaka mi nga imbes muubos na, nagasaka na nuon ang (ihap sa) pasyente. Di man tanan taga Davao ang naadmit, ang uban gikan sa mga neighboring provinces,” dugang ni Barez.

Gilaraw nga mag-establisar og open ward aron hiusahon ang tanang COVID-19 positive ug hingpit lang ipatuman ang social distancing.




RadyoMan Aimee Guinita

Facebook Comments