COVID-19 OPCEN gisuspende, trabahante sa city hall ipa-work from home

67

Davao City – Gisuspende sulod sa 24 oras sa City Government of Davao ang COVID-19 Emergency Operation Center.

Sumala kang Davao City Mayor Sara Duterte adunay empleyado nga naay direct contact ngadto sa usa ka COVID-19 positive patient.


Niini kinahanglang ipailawom sa quarantine ang mga empleyado sa OPCEN nga na-exposed sa maong empleyado kinsa posibleng Patient Under Investigation karon human kini mag-manifest og sintomas.

Matud sa mayor padayong gi-set-up ang bag-ong COVID-19 Operation Center ug bag-ong mga staff ang mulingkod.

Gilauman karong alas-6 sa gabie balik operasyon na ang OPCEN.

Subay niini sugod karong Marso 31, tanang empleyedo sa City Goverment of Davao mag-work from home ug on call operation.

Gihimo kini nga lakang ni Mayor Duterte aron masalbar ug proteksyunan ang mga trabahante sa City Hall samtang magpadayon ang ilahang pagserbisyo.


Matud sa mayor mamahimong i-contact ang City Mayor Office pinaagi sa davaocitymayor@gmail.com ug sa ilahang cellphone numbers Monday-Wednesday 0932 322 1063 ug Thursday-Friday 0915 963 7127.

RadyoMaN Aimee Guinita

Facebook Comments