Davao City – Gibutang isip mga team leaders si Davao City Vice Mayor Sebastian Duterte ug mga konsehal sa Davao sa 182 ka mga barangays.
Matud ni Davao City Mayor Sara Duterte, kini aron masigurong mapatuman gayod sa mga barangay kapitan ang sistema sa ration cards ug matubag ang concerns sa katawhan.
“Para duol ang chain of command ba, so we created team leaders, nangayo ta’g volunteers sa mga konsehal and they assigned among themselves each barangay under them,” segun ni Mayor Inday.
Ang mga kwalipikadong benepisyaro mao ang mga indigent and out of work, Contractual no work no pay and out of work ug self-employed and out of work.
“Sa kini nga tulo ka parameters covered na tanan nga naapektuhan sa quarantine,” dugang sa alkalde.
Ang pasiunang distribusyon sa giandam nga 50,000 relief goods ipahigayon karong Marso 23-27.
Giawhag sa Mayor ang mga katawhan nga siguraduhong malakip sila sa Masterlist.
Subay niini, nagpabilin ang pagsalig sa Mayor sa tanang mga kapitan nga dili kini sagula’g pamulitika ang tabang para sa katawhan.
RadyoMaN Aimee Guinita
