COVID-19 surge gikabalak-an sa yuletide celebrations

25

Davao City – Gipahimangnoan ni Davao City Mayor Sara Duterte-Carpio ang Davaoeños nga istriktong sundon ang minimum public health standards batok Coronavirus Disease 2019 (COVID-19) labi na sa umaabot nga Yuletide season.

Gibutyag sa alkalde (sa interbyu sa city-owned radio) nga ubos ang nagapositibo karon sa COVID-19 testing apan posibilidad gihapon ang pagtaas sa kaso sa COVID-19 kung mawala ang disiplina sa tawo labi na sa posibleng mass gathering nga risgo sa takod sa virus.

“In a pandemic, we always expect the worse. So, duna gihapon ‘tay expectation nga naay umaabot nga surge especially sa panahon sa merry-making and celebrations (Pasko),” sulti sa mayor.


Nagpahimangno usab si Duterte-Carpio nga likayan ang pagpahigayon og aktibidad karong Halloween ug mass gathering padulong na sa mga selebrasyon padulong sa Disyembre.

“Gina-discourage nato ang pagpahigayon og treat or trick karong Halloween ug kanang pagtapok-tapok, apil na hangtud na sa atoang pag-observe or pag-celebrate sa Pasko,” matud sa alkalde.

Nasayrang giluagan karon ang COVID-19 protocols sa syudad pinaagi sa pag-modify sa liquor ban ug pagwagtang sa curfew gikan October 26, 2021 hangtud January 15, 2022, apan mamahimo kining usabon ugaling magbaton og massive surge sa COVID-19 cases.



RadyoMaN Kirby Manzon

Facebook Comments