COVID-19 surge lauman ilawom sa MGCQ status

23

Davao City – Posibleng mutaas ang kaso sa Coronavirus Disease 2019 (COVID-19) kung ipailawom ang tibuok Pilipinas sa Modified General Community Quarantine (MGCQ).

Matud ni Davao City Mayor Sara Duterte-Carpio sa interbyu sa city-owned radio, gipanaminan niini ang kasinatian sa pagpailawom sa dakbayan sa MGCQ og upat ka bulan diin misutoy ang ihap sa kaso sa COVID-19, diin upat usab ka bulan ang pagbuno sa syudad aron mapaubos ang maong mga kaso.


“Nag MGCQ na man ‘ta kaniadto and kung nakita ninyo after atong MGCQ, didto nagsugod ang surge sa atong cases. Kung basehan nato sa history kahibalo nata sa effect sa MGCQ. So now, we are better prepared for what will happen if mag MGCQ ‘ta. We know better now, na-experience na nato, lisod kaayo ipababa ang cases dili ana ka dali,” matud sa Alkalde.

Gibutyag usab sa Alkalde nga wala na gina rekomenda sa Inter-Agency Task Force (IATF) ang Modified Enhanced Community Quarantine (MECQ) diin ang GCQ na ang pinaka istriktong quarantine classification kung asa maoy status karon sa syudad sa Davao.

“Wala ‘tay plano sa mas strict nga quarantine status because higher than GCQ is MECQ and it’s not recommended by IATF anymore. So, ang pinaka istrikto na karon is GCQ and we are already on GCQ,” tataw sa Alkalde.

RadyoMaN Kirby Manzon




Facebook Comments