Matud ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), nabalaka kini sa mga aktibidad karon sa kabataan labi na nga abri na ang mga dulaanan sa mga bata sa mga malls diin taas ang risgo niini sa pagbaton og COVID-19 transmission.
“Ang isa sa mga na-worry gyud nako ang mga arcade, ang mga play den sa mga bata, grabe ang pila. I hope na ang mga parents (should) be very responsible, be very vigilant gyud kay naa pa gyud ang COVID-19. Whether we like it or not, it’s still around, it’s lurking lang gyud,” saysay ni Schlosser.
Una na nga gipanawagan ni Schlosser , ilabi na sa mga ginikanan nga kung dili importante, dili na ubanon ang minors sa gawas ilabi na kadtong 11-anyos paubos nga dili pa bakunado batok sa virus.
Naobserbahan usab sa health official ang dagsa bisan sa grocery stores ug supermarkets, rason nga padayon nga gipahinumduman ang publiko sa pagtuman sa minimum public standards batok COVID-19.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
