COVID-19 TF: Vaccine-related deaths wala natala sa syudad

Davao City – Likayan ug di dayon mutuo sa fake news nga dunay mga natalang vaccine-related deaths sa syudad gumikan gitino karon sa City Government of Davao nga walay vaccine-related deaths sa padayon karong ginapahigayon nga vaccination rollout batok Coronavirus Disease 2019 (COVID-19).

Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio) nga ang natala lamang mao ang Adverse Events Following Immunization (AEFI) nga lauman sa taong bakunahan batok COVID-19.

“As of now, wala gihapon ‘tay mga cases or death-related (sa) COVID vaccine. We acknowledge nga naay ‘tay Adverse Events Following Immunization. That’s true, expected man na siya. Some of those individuals nga gibakunahan, adunay expected nga adverse events/reactions from the vaccine,” sulti ni Schlosser.


Nagpahimangno si Schlosser sa publiko nga dili dayon mutuo sa mga fake news diha sa social nga adunay mga namatay tungod sa bakuna diin kung aduna may mapaabot nga report, kinahanglan kini og lawom nga inbestigasyon sa Department of Health (DOH) ug City Health Office (CHO).

Giawhag sa health official ang katawhan nga gilayong i-report kanila kung adunay may mga insidente aron kini masuta ug gilayong maimbestigahan.

RadyoMaN Kirby Manzon

Facebook Comments