Davao City – Gipakalma karon ni Davao City Councilor Dr. Mary Joselle Villafuerte ang DavaoeƱos labot sa UK (United Kingdom) variant sa Coronavirus Disease 2019 (COVID-19) diin aduna nay tulo (3) ka kaso ang natala dinhi sa Davao Region.
Sa interbyu sa city-owned radio sa opisyal, gibutyag niini nga walay ebidensya nga mas seryoso o delikado ang maong variant, kundili kini mas nailang mas paspas nga mutakdo sa usa ka indibidwal.
“So, it apparently nag mutate into a more contagious form (ang COVID-19 UK variant). Although hindi na man siya more deadly or wala na mang evidence na more serious ang COVID case na nangyayari from that variant, ‘yun lang more contagious sya,” tataw ni Villafuerte.
Matud sa konsehala, kinahanglan lamang likayan ang mga high-risk activities ug ipadayon ang pagsunod sa mga minimum health standards nga ginapatuman sama sa pagsuot og face mask, face shield, frequent handwashing ug social distancing.
Dili usab uyon ang opisyal sa double face mask isip proteksyon sa COVID-19 UK variant gawas lang diha sa mga ospital nga mas expose sa mga COVID-19 patients.
RadyoMaN Kirby Manzon
