COVID-19 Update: Koronadal City may 6 na ka mga medical health workers nga nagpositibo sa COVID-19,44 ginpaidalom sa quarantine.

26

Yara na sa anum ka mga health workers nga ginalakipan sang mga nurses nga naasign sa mga barangay health center sa syudad ang nagpositibo sa COVID-19, matapos nga nadugangan sang duha subong nga adlaw. Ini ang ginkumpirmar ni City Health Officer Dr. Editho Vego.
Nakabatyag suno pa ang mga ini sang mild symptoms sang nasambit nga balatian.
Samtang yara naman sa 44 ka mga health workers nga ginalakipan sang nurses, midwife kag medtech ang ginapaidalom sa subong sa quarantine matapos nga nakaupod ang mga nagpositibo.
Ginkumpirmar man sang city health officer nga temporaryo nga ginsarado ang health center sang Brgy. San Isidro kag Sta. Cruz tungod ginpaidalom sa quarantine ang mga staff.
Apang ginsiguro ni Dr. Vego nga magresume ang operations sang nasambit nga mga barangay health stations sa tion nga makakita sila sang ibulos.
Aminado man si Dr. Vego nga problema nila sa subong ang isolation facility tungod sa kadamo sang nagpositibo sa COVID-19 sa syudad, apang ginapangitaan naman suno pa ini sang pamaagi.
Padayon naman ang panawagan niya sa publiko nga kon wala man sang importante nga lakat ang magpamuyong na lang sa balay kag hugot nga ipatuman ang mga health protocols.

Facebook Comments