COVID-19 vaccine nga iya sang AstraZeneca, ginalauman nga maga- abut sa Capiz subong nga semana!

Roxas City, Capiz – Ginalauman nga posible subong nga semana maga-abot sa probinsya sang Capiz ang COVID- 19 vaccine nga iya sang AstraZeneca.
Ini ang ginkumpirmar ni DOH- Capiz Information Officer Mr Joeffrey Espiritu base man sa impormasyon nagikan kay Dra. Joy Castroverde sang DOH-Capiz.
Suno kay Espiritu, ini nga bakuna ang para sa mga medical frontliners sang mga pribado kag District Hospitals sa Capiz nga nagapang-edaron sang 59 – anyos pasaka nga wala mabakuhanan gamit ang SINOVAC vaccine.
Ginpahayag dugang ni Espiritu nga posible adlaw sang Martes ukon Miyerkules maga-abut ang nasambitan nga batch sang bakuna samtang unahon nga pagaturokan sang AstraZeneca vaccine ang mga personnel kag staff sang Roxas Memorial Provincial Hospital (RMPH).

Facebook Comments