Davao City – Kinahanglan mahatagan og pagtagad ang mental health issue ilabina karong panahon sa COVID-19 kay dili malikayan nga ang tawo bisan na ang mga frontliners nga gilangkuban sa doctors ug uban pa, mobati sa kagu-ol tungod sa pandemya ug mga problema.
Sumala ni Dr. Gene Gulanes, City Health Office (CHO) Asst. Health Officer, aron mahatagan kini og pagtagad, adunay programa niini ang lokal nga gobyerno pinaagi sa pagbutang og Mental Health Facility aron motabang o motubag sa mga mental health issue.
Matud ni Gulanes, ang maong programa o proyekto gipangunahan ni Davao City 3rd District Councilor Joselle Villafuerte, Chairperson Committee on Health ug lokal nga panggamhan sa syudad pinaagi sa City Health Office.
“Naa tay gitukod nga Mental Health Facility sa may People’s Park. They will handle kadtong mentally ill individual, but we can cater also those individual nga nagaproblema pud sa COVID especially kadtong may mga mental health issue,” segun ni Gulanes.
RadyoMaN Bernard Pantallon
