COVID positive nakarecover sa Agusan Norte

Kung adunay namatay nga ‘suspected case’ sa COVID 19, apan adunay naka-recover. Malipayong gianunsyo sa local nga panggamhanan sa Buenavista, Agusan del Norte nga adunay usa ka pasyenti sa COVID 19 ang naka-recover ug gipagawas na sa isolation facility niadtong adlaw’ng Sabado.
Gibutyag ni Elmer Mabuloc, information officer sa LGU Buenavista nga usa ka locall stranded individual (LSI) gika’g Cebu ang maong pasyenti ug lakip sa nakabenipisyo sa Balik Probinsya Program apan nagpositibo sa COVID 19 sa gihimung swab test ug asymptomatic.
Inay 14 ka adlaw lamang ang pag-quarantine sulod sa isolation facility apan niabot ug usa ka buwan ang maong pasyenti adesir kini nag-negatibo sa COVID 19.
Banner nga adunay marka’ng “Congratulations” ug gitagaa’g flower bouquet ang maong indibidwal timaan nga anaa sa likod kaniya ang LGU Buenavista sa iyang pag-recover. Gipaniguro sa LGU Buenavista nga dili mabiktima sa diskriminasyon ug ‘bullying’ ang maong indibidwal sa iyang pagpauli sa Brgy. 6 sa maong lungsod human maulian sa COVID 19.
Sa karon adunay 7 ang kompirmadong kaso sa COVID 19 sa maong lungsod kinsa anaa sa isolation facility apan ang usa atua gidala sa Nasipit District Hospital tungod sa mild symptoms nga iyang gibati.
Ang pamahayag ni Elmer Mabuloc, information officer sa LGU Buenavista sa interview sa RMN DXBC Butuan.

Facebook Comments