Roxas City, Capiz- Ginsiling ni Pilar Mayor Arnold Perez nga wala makaguha sa quarantine facility ang 28- anyos nga returning overseas Filipino gani nga wala sang kahadlokan ang bilog nga banwa sa posible nga pagluntad sang community transmission.
Suno sa alkalde, ang amu nga pasyente ang yara naka-quarantine sa housing unit sa banwa sang Pilar sang tiun nga nagguha ang resulta sini sang Hulyo 13, 2020 kun sa diin nagapahibalo nga positibo ini sa corona virus disease.
Insigida, ini gilayon ang ginkuha sang mga personnel sang Municipal Health Office sang Pilar kag gindala sa Roxas Memorial Provincial Hospital.
Dako naman ang pagpasalamat ni Perez nga wala ma-expose sa iya pamilya ukon sa iban nga tawo ang nasambitan nga persona nga halin sa United Kingdom.
Nahibaluan nga ini ang nag- abot sa probinsya sang Capiz sang nakaligad nga Hunyo 27 gikan sa Metro Manila kag sang Hunyo 29 ginkuhaan sang swab test.
