‘COVID surge’ rason sa pagpatuman sa curfew sa Davao

27

Davao City – Adunay igong basehan ang pag-regulate sa curfew ug uban pang aktibidad epektibo alas 12:00 sa udto sa Oktubre 15, 2020 hangtud sa Disyembre 31, 2020 subay sa Executive Order No. 55 Series of 2020 nga gipagawas sa City Government of Davao.

Matud ni Davao City Mayor Sara Duterte-Carpio, subling gipatuman ang curfew gikan alas 7:00 sa gabii hangtod alas 5:00 sa buntag matag adlaw gawas lang sa mga government workers ug mga private offices/establishments employees nga nagtrabaho sulod sa curfew hours.

Tataw sa Alkalde nga subli kining gipatuman subay sa ‘interviews’ sa mga confirmed COVID-19 (Coronavirus Disease 2019) patients diin nakita dinhi ang lihok sa nahisgutan rason nga kinahanglang magbaton og regulasyon sa mga aktibidad sa tawo nga dili essential/importante subay sa Inter-Agency Task Force (IATF) Omnibus Guidelines diin nagbaton na ang syudad og ‘surge’ sa kaso sa COVID-19.

“There is a surge (sa COVID-19 cases). Very obvious na kaayo ang atoang surge and this is because of the innumerable allowed activities under MGCQ (Modified General Community Quarantine) and there is a need to control the surge,” segun sa Alkalde.

Samtang, ipatuman na gikan alas 7:00 sa gabii hangtod alas 5:00 sa buntag ang liquor ban matag adlaw.

Sa Sari-Sari Store kinahanglang sirado na gikan alas 7:00 sa gabii hangtud alas 5:00 sa butag matag adlaw.

Gidili usab ang tanang videoke ug karaoke sulod sa private property gikan alas 10:00 sa gabii hangtod alas 5:00 sa buntag matag adlaw.




Gipasabot ni Mayor Sara nga kinahanglan nga ipatuman ang maong regulasyon alang sa public health concern gumikan sa pandemic ug isip tabang usab sa Davao City Police Office (DCPO) ug sa uban pang frontliners sa pagbatok sa COVID-19.

RadyoMaN Kirby Manzon

Facebook Comments