COVID TF: Davao drive-thru vaccination ipahigayon

30

Davao City – Giplanohan na karon sa Davao City COVID-19 Task Force (TF) ang pagpahigayon og driver-thru vaccination dinhi sa syudad sa Davao.

Matud ni Dr. Michelle Schlosser Spokesperson sa Davao City COVID-19 TF (sa interbyu sa city-owned radio), plano kining himuon sa People’s Park, Davao City ug paningkamutang masugdan karon nga semana.

“Ang People’s park, aside sa kadtong Saturday bakuna, we were also talking about drive-thru sa People’s park nga vaccination. So hopefully, ma-realize nato na dayon this week,” sulti ni Schlosser.


Hinuon, padayon pa kining giplano sa kasamtangan kung unsa ang mamahimong sistema sa maong aktibidad o unsa pa ang mamahimong kausaban niini.

Dugang sa health official, ilang paningkamutan nga makab-ot ang target nga herd immunity sa Nobembre karong tuiga pinaagi sa pagpapaspas sa vaccination rollout, pagbakuna sa Sabado ug door-to-door vaccination alang sa mga bulnerableng sektor.

RadyoMaN Kirby Manzon



Facebook Comments