Davao City – Mokabat sa kapin P100,000 kantidad sa gituohang iligal nga shabu ang narekober atol sa gilusad nga buy-bust operation alas-10:10 kagabii nahitabo sa Champaca street, Panorama Subdivision, Buhangin, ning syudad sa Davao.
Nakuha ang 70 ka mga pakete sa gituohang shabu kang Jomererald Guzan Ibay alyas ‘Kapatid’, 22 anyos, minyo, craftsman, lumulupyo sa maong lugar ug nitibo gikan sa College Capucaw St., Cotabato City, Maguindanao.
Nakuha usab kang Ibay ang usa ka unit sa itom nga cellphone nga gigamit sa transaksyon, marked money nga P1,000 ug pouch nga adunay P1,090 nga kwarta.
Balhog na sa Sta. Ana Police Station ang suspek ug gikatakdang pasakahan og kasong paglapas sa R.A. 9165 kun Comprehensive Dangerous Drugs Act of 2002.
RadyoMaN Jason Amisola
