ILOILO CITY – May dako nga pagnubo ang crime incidents sang nagligad nga semana kun ipaanggid sa amo man nga period sang nagligad nga tuig.
Nakarecord ang Iloilo City Police Office sang 61 ka krimen sadtong Oktubre 9-15.
Mas manubo ini sang 38.38% sa amo man nga period sadtong 2016.
Suno kay ICPO Operations Head Supt. Jowel Saliba, ang padayun nga pagnubo sang crime incidence bunga sang ginpasangkad nga patrol operations kun sa diin ginamonitor sang tagsa ka krimen nga nagakatabu sa kada presinto.
Nakarecord man sang zero incidents ang syudad sang homicide, rape, robbery, car napping kag cattle rustling.
Facebook Comments
