CRISIS MANAGEMENT COMMITTEE MAGTIGOM KUMAN ADLAWA SA PAGTUKI SA 2 KA PULIS NA TAGDAGIT SA PLACER, SURIGAO DEL NORTE

173

CRISIS MANAGEMENT COMMITTEE MAGTIGOM KUMAN ADLAWA SA PAGTUKI SA 2 KA PULIS NA TAGDAGIT SA PLACER, SURIGAO DEL NORTE
Tagtakda na magtigom kuman adlawa an mga naglangkob sa Crisis Management Committee para sa pagtuki sa duh aka pulis na tagdagit nan New People’s Army sa Bad-as, Placer, Surigao del Norte.
Namahayag si Mayor Pinggoy Patenio nan Placer, human sa nahitabo kahapon, may pasiuna na sila na tigom sa Municipal Crisis Management Committee na kon diin tagpadayag sa ila an panghitabo sa pagkadagit sa ila ni P02 John Paul Mondaya Doverte at P02 Alfredo Lauro Degamon gikan sa PNP Outpost, lakip an mga suspek na nokuha na nagpakilaya na sakop sa PNP CIDG. Nauyunan isab didto an pagtudlo nila kan Sangguniang Bayan member Sonny Calunia na magsilbi na spokesperson sa Crisis Management Committee.
Sa pinakabag-o na impormasyon isab na nakuha nan RMN, kasamtangang nagpahigayon isab nan tigom an Prov’l. Crisis Management Commiittee nan Surigao del Norte sa pagpanguna ni Gov. Sol Matugas lakip an kadagkuan sa PNP, Phil. Army ug lokal na opisyal sa Placer sa dugang diskusyon kalabot sa amo na panghitabo.

Facebook Comments