Gipa-alerto karon sa Civil Service Commission ang publikokalabot sa mga indibidwal nga nangolekta ug kantidad bugti sa pasalig nga makapasar sa exam sa CSC.
Sa interview sa RMN Malaybalay ngadto kang Lourdes Pelaez, ang Provincial Director sa CSC Bukidnon gibutyag niini nga dili anangayang motoo ang publiko niini tungod kay usa kini ka matang sa pagpangilad.
Target matud pa sa maong modus ang mga nikuha ug eksaminasyon sa CSC ug gipasaligan nga makapasar kung makabayad sa gibungat nga kantidad sa kwarta.
Matud sa CSC nga walay intervention ang ilang buhatan ug bisan kinsa tungod kay computerized tanan ang gigamit sa pag-check sa mga test materials. Gibutyag ni Pelaez nga nahitabo na matud pa kini kaniadto sa Lanao kung asa gipangayuan ug 40,000 ang usa ka indibiwal diin naghatag ug kondisyon nga kung dili makapasar i-uli ang kwarta apan kung makapasar dili na kini iuli.
Posible usab daw nga kauban kini nila sa opisina kaniadto nga na-dissmiss sa serbisyon tungod sa mao nga illegal nga kalihukan ug gigamit ang ilang ID aron sa pagpangilad.
