Gipaklaro ni Ms. Grace Joy Saquilabon nga gumikan sa iyang gihambin nga balati-an ang hinungdan sa iyang pag-early retire sa iyang posisyon isip head sa City Social Welfare and Development dinhi sa Iligan.
Wala matud pay kamatu-oran ang migawas nga impormasyon nga gumikan sa kasuko kaniya ni City Mayor Celso Regencia tungod sa kahadlok niya nga dili maka-claim sa iyang retirement tungod sa pag-cash advance sa kwarta sa Social Amelioration Program o SAP.
Unfair sumala pa ngadto ni Mayor Regencia ang sayop nga impormasyon tungod maayo kaayo ang iyang pagpananghid ngadto sa mayor nga moduso kini sa iyang early retirement.
Gani, gibutyag ni Saquilabon nga gipugngan pa siya ni Mayor Regencia nga humanon nalang ang iyang termino una kini mo retiro sa iyang pagdumala sa CSWD.
Dugang ni Saquilabon nga girespito ni Regencia ang iyang desisyon sa pag-early retire sa serbisyo nga kutob nalang karong petsa 31 ning bulan sa Mayo.
