Nagsurender sa PNP ang isa ka miyembro sang Communist Terrorist Group kag isa ka Militia Ng Bayan Member sa idalom sang GF-MUSA, FSMR , alas 9:00 kahapon sang aga, Enero 21, 2021 sa Sitio Malones, Brgy Upper Sepaka, Surallah, South Cotabato. Ang elemento sang PIT South Cotabato, RIU 12, PNP-IG (Lead Unit) sa supervision ni PLTCOL CHRISTOPHER M BERMUDEZ, upod ang RID, PRO12, PIU SCPPO, NICA 12 kag Surallah MPS ang nagfacilitate sang boluntaryo nga pagsurender sang duha. Ginkilala ang duha ka mga Communist NPA Terrorist (CNT) members nga sanday Warren Abraham Angkoy alias Diamante, member, Team A, Platoon Samsung, GF-MUSA, FSMR kag Yibuning Mupak Lagay alias Marilyn, Militia Ng Bayan member sa idalom sang GF-MUSA, FSMR. Ginturn-over naman sang CNT surrenderees ang isa ka unit sang homemade caliber 9mm UZI Sub-Machine gun nga may 1 ka magazine kag 3 ka 9mm live ammunition. Ipaidalom naman sa debriefing kag documentation ang duha para sa enrollment sang mga ini sa Enhanced Comprehensive Local Integration Program (E-CLIP) lakip na ang ginsurender nga armas luthang kag mga bala.
