CTTMO: Alternate route sa Shrine Hills sundon

24

Davao City – Nagpahimangno ang City Transport and Traffic Management Office (CTTMO) ngadto sa tanan Dabawenyo ilabi na sa mga motorista nga buot muadto sa Infant Jesus of Prague sa Shrine Hills nga karong Biyernes Santo hingpit na ipatuman ang pagsarado sa pipila ka dalan diin magsugod pasado alas-3:00 sa kaadlawon.

Sa esklusibong interbyu sa DXDC RMN Davao ngadto kang Rodelio Maravilla, Field Supervisor sa CTTMO, giingon niini nga gikinahanglan nga musonod ang mga motorista ug mga driver sa mga alternatibo nga rota nga mamahimong maagian.

Matud ni Maravilla kung gikan ka sa Diversion Road mamahimong makasaka ang mga sakyanan diha ra taman sa Shrine Hills parking area ug pabalik pagawas sa Diversion Road.

Samtang kung gikan sa Mc Arthur Highway mamahimong muagi sa Cuyugan St. liko pa tuo sa Ranger St. padulong Apollo Corner Pluto St. ug pabalik pagawas mamahimong maagian usab ang Apollo St., Cuyogan St. ug pagawas na sa Mc Arthur Highway.

RadyoMaN Don Pulayao

Facebook Comments