CTTMO: Disiplina, gikinahanglan sa pagtuman sa balaod trapiko

Davao City – Angay sumala pang sugdan sa maayong kina-iya pinaagi sa disiplina labi na sa pagsunod sa mga balaod trapiko nga ginapatuman dinhi sa dakbayan sa Davao.

Kini ang gisaysay ni Dionesio Abude, ang head sa City Transport and Traffic Management Office (CTTMO) sa pakighinabi sa DXDC RMN Davao.

Matud pa ni Abude nga bisan og adunay traffic light ang kadalanan sa syudad kung dili mutuman ang usa ka driver, mamahimong wala gihapon kini kapuslanan.


“Bisag unsaon namo pagplano, bisag unsaon nato pagpa-gwapo sa atong karsada, basta anaa gihapon ang mga pasaway nga mga drivers, naa gihapoy problema nga mahitabo sa karsada.” matud pa ni Abude.

Gibutyag sa opisyal nga bugtong pangandoy sumala pa nila sa CTTMO nga mamahimong hapsay ang sistema sa kadalanan dinhi sa dakbayan sa Davao

RadyoMaN Kirby Manzon

Facebook Comments