CTTMO: Mandatory face shields sa PUVs striktong ipatuman

27

Davao City – Gipakusgan sa City Transport and Traffic Management Office (CTTMO) ang pagpahibalo sa mga drivers sa pampublikong panakayan kalabot sa ‘No Face Shield, No Ride Policy’ nga ipatuman karong Sabado, Agosto 15, 2020.


Sa interbyu sa RMN Davao kang CTTMO chief Dionisio Abude, usa ka violation kun gitawag nga disobedience to traffic instruction ang pagsupak sa drayber sa dili pagsol-ob og face shield ug pagpasakay og pasahero nga wala usab ga-face shield.

“Ticket-an ang driver kung gipasakay niya so siya na ang naay violation nganong gipasakay niya ang pasahero nga walay face shield,” sumala ni Abude.

Matud sa hepe nga sa palisiya, ang mga pasaherong madakpang wala ga-face shield dalaon kini sa mga traffic enforcers sa istasyon sa pulis ug ang pulis na ang mag-inisyatibong magpasaka og kaso.

Kahinumduman nga gi-amyendahan sa Land Transportation Franchising and Regulatory Board (LTFRB) ang policy diin gi-require na ang mga pasahero, drivers ug conductors nga musuot og full face shield kung anaa sa Public Utility Vehicles subay sa Department of Transportation (DOTr) Memorandum Circular (MC) No. 2020-014 ug amended LTFRB MC 2020-33.

RadyoMaN Aimee Guinita

Facebook Comments