CTTMO mutabang sa pag-implementar sa 1/3-2/3 ratio policy sa sidewalk vendors

Davao City – Andam sumala pa nga mutabang ang City Transport and Traffic Management Office (CTTMO) kalabot sa gi-implementar nga standard area nga gamiton sa mga nagapaninda kilid sa kadalanan sa dakbayan.

Sa pakighinabi sa DXDC RMN Davao kang Dionesio Abude, CTTMO head, gisaysay niini nga andam silang mutabang ugaling makipag-alayon kanila ang Ancillary Service Unit (ASU) kalabot sa ginapatuman niining standard area nga magamit sa mga sidewalk vendors nga 1/3-2/3 ratio labi na sa ilang pagpaninda karong holiday season.

Nasayran nga sa maong polisiya, 1/3 sa sidewalk ang i-alokar sa mga tinda ug ang nahibiling 2/3 space ang alang sa mga mangagi.


Sigun pa ni Abude nga walay problema kanila ang pagtabang sa pag-implementar sa maong polisiya labi na kung maapektuhan na niini ang mga agi-anan.

RadyoMaN Kirby Manzon

Facebook Comments