CTTMO: Namatay’ng enforcer tabangan

Davao City – Andam nga musuporta ang City Transport and Traffic Management Office (CTTMO) sa unsa ang mahatag nga tabang sa pamilya sa traffic enforcer nga nabanggaan-patay kagahapon, December 12, 2019

Sa interbyu sa DXDC RMN Davao kang Bonifacio Capricho Jr., CTTMO Operations Head, gibutyag niini andam silang mutabang sa biktima nga si Rey Sison, 47-anyos nga halos 13 ka tuig nang nagtrabaho sa buhatan.

“Ang amo lang aksyon sa opisina, ang pag support lang sa iyaha kung unsay among matabang,” segun ni Capricho.


Gibutyag ni Capricho nga maayong empleyado sa gobyerno si Sison diin wala kini nadawat nga reklamo sa publiko sa iyang pagpanrabaho.

“So far kining bataa ni wala gyoy tawo nga nagreklamo sa iyaha. Parte sa trabaho, mutrabaho gyud. Wala kuan sa iyaha iyang supervisor so mao nang sayang kaayo ang nahitabo sa iyaha,” tataw ni Capricho.

Nasayran nga na-file na pamilya sa biktima ang kaso batok sa suspek nga police official nga si Lt. Julius Edpalina.

RadyoMaN Kirby Manzon

Facebook Comments