CTTMO officer sikop sa droga

Davao City – Arestado ang usa ka personahe sa Davao City Transport and Traffic Management Office (CTTMO) lakip ang usa ka babaye atol sa gilusad nga drug buy-bust operation sa duha ka managlahing lugar ubos sa area of responsibility sa Tugbok PNP kagabii.

Unang nadakpan si Llyn Madelo Vidal alyas Aileen, 39-anyos, kinsa nasikop sulod sa ilang gipuy-an diha sa may Purok 9-B, Brgy. Tacunan, Tugbok district partikularmente atbang sa Pag-asa Vilagel sa nahisgutan nga barangay sanglit napalitan og usa ka pakete sa gituohang shabu kambyo ang P500 buy-bust money ug balhog na sa prisohan sa Tugbok.

Sa di madugay, niabot ang usa ka impormasyon gikan sa usa ka reliable source nga dunay usa ka ginganlang Eugene Gil Espinosa Labor, 37-anyos, usa ka CTTMO enforcer nga nagpuyo sa may Sitio Maayahay, Tugbok Proper, Tugbok district ning siyudad.


Subay pa sa intel reports nga ang maong suspek mao matud pa ang naga supply og droga sa pipila ka mga lugar sa maong distrito.

Sa maong impormayon, gilusad gilayon ang drug buy-bust operation kagabii ug malampuson kining napalitan og usa ka pakete gamit ang P500 marked money.

Atol sa iyang pag-aresto, narekober ang laing duha pa ka pakete sa gitoohang shabu ug ang motorsiklo nga naka rehistro sa City Government of Davao nga maoy gamit niini sa pagpamaligya og shabu.

Balhog na sa Tugbok PNP ang CTTMO enforcer ug pasakahan kini og tukmang kaso.

RadyoMaN Paul Canono

Facebook Comments