CUANTOS CAMINO HAY SERRA ALAS DOSE ESTE DIA

31

Prinsipiando alas-dose del media dia hay serra el policia con el cuantos mga camino aqui na sentro del fueblo donde hay pasa el “Streetdance Competition”.
Asegun con el hefe del Traffic Division del policia local Chief Inspector Raymond Sanson, prinsipya na Mayor Jaldon Street, el Ledesma Street, hasta el mga camino que ta conecta con el Guardia Nacional para Valderrosa Street na vicinidad del City Hall hasta para Landbank y Bangko Sentral para Paseo del Mar hay serrra sila coneste desdel mga motorista prinsipiando alas-dose hasta el tiempo puede pya sale el ultimo participantes del parada.
Ta anticipa ya el policia con el umpoco largo parada este tiempo porcausa con el participaccion del mga de otro provincia na streetdance y este tambien el rason porque temprano serra con el mga camino para fuede man-assemble el mga participantes temprano.
Chene asegun bastante fuerza el policia, junto con el mga force multipliers como el traffic aides, militar, radio groups y mga barangay tanods el quien hay asisti canila na parada.
Desfues del parada hay conduci tambien el main program del Hermosa Festival na entablado del Paseo del Mar.* – Bhong Simbajon/RMN News*

Facebook Comments