Culture of Security gipahinumdom sa ika-6 ka tuig sa ‘Roxas Night Market Bombing’

34
Davao City – Subling gipahinumdom sa City Government of Davao sa katawhang Davaeoños ang Culture of Security nga ginapatuman sa dakbayan sa Davao.

Kini ang nahimong mensahe ni Davao City Mayor Sebastian “Baste” Duterte atol sa ika-6 ka tuig nga anibersaryo sa Roxas Night Market Bombing kagahapong adlawa (September 2, 2022) diin gipangunahan ni Reverend Father Emmanuel “Bong” Gonzaga ang memorial service kauban ang pipila ka kabanay sa mga biktima, security clusters ug uban pang government officials.

Sa mensahe sa alkalde, gipasabot niini kung unsa ka-importante ang kooperasyon sa publiko sa pag-report sa mga kadudahang butang o tawo sa palibot aron malikayan ang unsa mang insidente.

“Historically man gud, ang Davao is always been a target sa mga ingon ani, mga terrorist activities. Mao nang naa ‘tay ginatawag nga Culture of Security,” sulti sa mayor.

Kahinumduman niadtong September 2, 2016 nahitabo ang Roxas Night Market Bombing diin 15 ang patay ug 69 ang samaran.

RadyoMaN Kirby Manzon



[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments